Google ADS

FIFA me inteligjencë artificiale në VAR: Video asistenti do të përcaktojë qartë pozitën jashtë loje

13:07 | 18 Nëntor 2020
A. B.

FIFA është duke nxituar që sa më shpejtë të përfshijë inteligjencën artificiale në VAR, që do të tregonte qartë kur një lojtar është në pozitë jashtë loje, raporton ESPN.

Deri më tani, që nga përfshirja e video asistentit të gjyqtarit në futboll, ka pasur shumë vendime të diskutueshme.

Madje, klubet janë dëmtuar nga VAR-i edhe kur nuk ishte pozitë jashtë loje dhe që ishin shënuar gola vendimtar.

Rasti më i freskët është në barazimin 2-2 të Liverpoolit me Evertonin, ku The Reds u dëmtuan në momentin që u aludua se Sadio Mane ishte në pozitë jashtë loje.

Nga kritikat e marra, FIFA po nxiton që të fus inteligjencën artificiale në VAR, që e do të implementohet në vitin 2021.

Video asistenti me inteligjencë artificiale do të ketë fokusin më të veçantë në Kupën e Botës që mbahet në viti 2022 në Katar, duke e testuar në vitin e ardhshëm nëse është një gjë e qëlluar. /Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm